Historia

Construída no ano 1944 polo carpinteiro de Bañobre, Don Constantino García, foi equipada cun motor Kennat de 4 cilindros que desenrolaba 20/25 hpe. A velocidade era de 6 millas por hora.

En 1948 se lle cambiou o motor por un KERMATH de 4 cilindros de 4 tempos que daba unha potencia de 40 hp.

No ano 1958 se lle instalou o motor que tén actualmente, un Larrán de 3 cilindros e 4 tempos, de arranque con sistema de mechas, que desenrola 20 cv.

A piques de ser desguazada , e tras conversas co armador, no ano 2009 acórdase o contrato de cesión á A.C.M. "Os Patexeiros"

No ano 2010 pasa a ser propiedade da Asociación Cultural Mariñeira "Os Patexeiros", que teñen como obxectivo restaurala e aparellala coa súa típica vela latina que portou antaño.

O seu porto base está en Sada - A Coruña, ainda que se pode ver a miudo fondeada en Lorbé - Oleiros.

A Balbina adicábase sobre todo á captura do patexo, un pequeno crustáceo que era utilizado para fertilizar as leiras.

Os patexeiros descargaban a súa captura varando na praia de Sada, e alí era trasvasada ós carros de vacas e ás zorras que se achegaban á praia, e que logo levarían ó seu destino nas leiras da comarca.

Cando o patexo escasexaba tamén se adicaban á pesca doutras especies.

No hay comentarios:

Publicar un comentario