Este fin de semán Os Patexeiros fixemos un gran desplegue de medios humáns e técnicos para ir dando os últimos coletazos á Balbina, que o vindeiro día 26 ten que sair do carro.
O venres, Carlos, Pepe e máis eu, o Palmeirán fixemos unha avanzadiña preparando o terreo para o que sería o gran desembarco do día seguinte.
Fun o primeiro en chegar e púxenme a darlle alquitrán á madeira descuberta da parte da sentina pero en seguida tiven que parar porque o alquitrán estaba moi espeso, non estaba quente, nen tiñamos augarrás para rebaixalo, e na ferretería tampouco.
Carlos púxose a darlle fondo ás táboas da cuberta.
![](https://blogger.googleusercontent.com/img/b/R29vZ2xl/AVvXsEg-i9KSVREqDT9KZxDYkDmF0TIZ_ZEhv-YVPDJ_ov1Zwb_Y20MUCm2W6gbxiuaIogo2puGnNg8VdXfshx6rxIBQz4OGikBfm8BYFzzpsffCu_GOzSWC4DQWtKD6TvnDpgpE2FITKzWBomcS/s200/Reparaci%25C3%25B3n+Balbina+160411+032.jpg)
Cando chegou Pepe coa madeira, empezamos a facer o mamparo de proa. Xa cerca da última hora achegouse Agustín. Deixamos o mamparo empezado, e recollémonos coa esperanza de darlle caña ó día seguinte.
O sábado, cando eu cheguei, como sempre xa estaba Fran Vázquez alí, serrando un medio bao. E pouco despóis foron chegando os demáis. Sendo o día coa asistencia máis numerosa para traballar na Balbina dende que está no carro. Nada máis e nada menos que nove Patexeiros, contanado a Ana que nos trouxo a loxística, conformaron o Comando Balbina deste sábado.
O traballo foise repartindo máis ou menos por parellas.
![](https://blogger.googleusercontent.com/img/b/R29vZ2xl/AVvXsEhk-gEQ6U7AfzWC_AyW_wsVxp3AJ7b0PaNLNfowmiynVig-owC655EP9Xp_7VkmqKwacAebOGY50XL0I53UBYo-Tp6FjORw-NyEtkuEQxaRvlWYzpU1LeMYUn9Od0H2CIxpJevXIpKVZAvm/s200/Reparaci%25C3%25B3n+Balbina+160411+020.jpg)
Jaime empezou dá
![](https://blogger.googleusercontent.com/img/b/R29vZ2xl/AVvXsEg7660963nWLhSpe8qd0UoxqYPjAIo6tDNcDTYacL_wdwuOK4IwpCOakduovnbULe1D0amxFmiGNBgBB1XelV6h4gm32YI803quhd3y4BEnAywTNIt2XTLba1gWZK0TRzvJAeoz3UA81Oaj/s200/Reparaci%25C3%25B3n+Balbina+160411+015.jpg)
ndolle fondo ó resto das táboas que conformarán a cuberta, e logo, xunto con Xose Lagares empezaron a darlle unha man de pintura Azul Balbina do noso esponsor pinturas Proa.
Fran Váquez rematou e colocou un medio bao e foi dándolle forma á nova baldera de eucalipto (tamén chamado arcolito por algúns nativos) .
Pepe e Miguel remataron o mamparo de proa que se empezara onte, mentres que Agustín e máis eu facíamos o mamparo de popa.
![](https://blogger.googleusercontent.com/img/b/R29vZ2xl/AVvXsEiuPUctyqIvhd4iWXnMGrzgg5JxSWOzDsCYb7OfogQFrKVRcMjTFdrgavZ77A4m2dhLsdU-nPyBqPRqEbyUwR_tFuSDukwULZzrJtrnFtO4Tn3BVAl682W_11krXxCAwlNLxQeZZbR-yRKj/s200/Reparaci%25C3%25B3n+Balbina+160411+010.jpg)
Martiño, que veu, como sempre rexido polo seu propio huso horario, adicóuse a sacarlle ferruxe ó volante de inercia do motor.
En canto acabamos os mamparos, Jaime raudo botóuse a eles armado cunha brocha para darlles unha man de fondo, do que non diremos o nome do fabricante porque non nos esponsoriza.
Ó mediodia, Ana
![](https://blogger.googleusercontent.com/img/b/R29vZ2xl/AVvXsEgsT36Joa6dRIWiDTgJ-o4j-sIhuqEFD2H01gAHaFgKnEj5LUwi7K1n3Dj6ov-eJi1zdht56nOUs6soCXKZuLT-9H2t2iH8JoBPDVisUR5ybqaxEX-RrhBiZVQTRZ9DF6dLzo2kwexLND8f/s200/Reparaci%25C3%25B3n+Balbina+160411+005.jpg)
, que tomou as rendas da loxística nos trouxo ferramenta e unha soberbia comilona a base de tortilla, e empanadas feitas por ela á que tamén aportaron algúns manxares Agustín e Pepe. Os demáis puxemos a boca, o estóma
![](https://blogger.googleusercontent.com/img/b/R29vZ2xl/AVvXsEjx_675KA1wwL8OaauYoHPNravgKOaGIREdEx2MMiSTDfhyphenhyphenDCYOvnUoMoTzIV-SPVTEMJtQtIewUDklXkoijNDqn0kg4SI85oK2tfagJXBhcnJwuMiBB4ioiuA0Ng_-21YKWO3ZfHlr7imF/s200/Reparaci%25C3%25B3n+Balbina+160411+028.jpg)
go, e as ganiñas de comer.
Fran tivo que marchar, deixando encargado de rematar a baldera a Miguel, que se convirteu nun mestre do manexo da trencha facendo unhas medias colas de milano perfectas.
Pola tarde, parecía que todos lle tiñamos un pouco de respeto a empezar a botar a cuberta e andivemos algo desperdigados. Pepe e Agustín empezaron o mamparo do motor cara a proa, eu púxenme a darlle alquitrán á madeira de debaixo do plan da proa, Lagares e Jaime seguían pintando, e Martiño d
![](https://blogger.googleusercontent.com/img/b/R29vZ2xl/AVvXsEgw1UtA7GJwU-F59cdxQ8CXqmjYSoHLdC9Z82c9SBz9BUv_awsqR4G60tYfhYI3XuBHMa5e8JWHj2GAwBZjeUCR58R8qN1X0ukjS_uJ9ARAn4xR-w03Wt6dKKr0ff20JDd4Lk3GXp4JQcIK/s200/Reparaci%25C3%25B3n+Balbina+160411+013.jpg)
esenferruxa que te desenferruxa. Ata que xa sobre as sete da tarde, tras varias presións pola miña parte (son un pesado, xa o sei, pero había que empezala), Pepe me dí, "veña, imos a pola cuberta". E alá nos puxemos os dous (él de mestre e eu de pinche) a sacar a primeira peza da banda de babor, e tras varias dúbidas e cun pouco de medo xa que dispoñíamos só de unha táboa do ancho necesario, Pepe se decideu a cortar, e en canto a presentamos contra o trancanil, ¡¡¡¡ eureka !!!! ¡¡¡ estaba perfecta!!!!.
![](https://blogger.googleusercontent.com/img/b/R29vZ2xl/AVvXsEhbM9lkE4mhu6PdibIPz4iTZGf8p9Eek69C0-rMIFCYp4D3cX4nciwh32zT2oUSDIg1HQzqqgA4c0DWa_Xkb44lKLyhz5MlyuE36AZE1hruylHKvP8FUPQbnSU1EdwBlE4W3eAGqAkZ3fcc/s200/Reparaci%25C3%25B3n+Balbina+160411+033.jpg)
E tras a alegría do traballo ben feito, empezamos a recoller todo o desplegue de medios (dúas ingletadoras, dúas caladoras, tres taladros, un cepillo eléctrico, un aspirador industrial, trenchas, martelos, escofinas, cepillos, etc....) Ser, non o seremos, pero profesionais parecémolo.
Mañán domingo iremos de novo darlle outro ataque ainda que seremos algún menos.
by Palmeirán