Hoxe, dia 12 de xuño de 2010, aconteceu un feito que nos enche de ledicia e de orgullo. O meu cuñado Juan Luis, antíguo mecánico de motores mariños, quedou en vir vernos o motor e darnos unha opinión sobre o seu estado.
Sobre as 10:45 da mañán subimos a bordo da Balbina. Juán Luis empezou por botarlle un vistazo, pero en seguida me dixo "abre a caixa de ferramentas e dame un destornillador". É un home de acción, él non vén só a ver. Enseguida me fai comprobar o ruido que emiten os inxectores a base de apoiar un destornillador contra eles e escoitar coa orella pegada. Flipante..... óese como rascan.
![](https://blogger.googleusercontent.com/img/b/R29vZ2xl/AVvXsEgcC07S_bhaytntqqlN-7YWMfWARe9opaKbIJRGhRrYN_qMEo1I4Hva-TQC51-ozJ-P1zMnWyb6AXmSvzv0iJP2sBjRNz0KY6Zv1ViNHkoeTw6uM4Ajp1Wk1dJbBY8qpHMAe3C-cAuHApUE/s400/Xu%C3%B1o+2010+006.jpg)
De seguido da orde de quitarlle as tapas das culatas, e vemos as válvulas ó aire, comproba que non teñan folguras, e proba a mover o volante coa manivela. O descompresor está agarrotado. Non hai problema, cuns golpiños de martelo consige solucionalo enseguida.
Fainos falta un mechero para prender as mechas. Non temos. Miguel ten que ir a terra a mercar un.
O volante de inercia está cuberto de auga que a choiva meteu a bordo. Empezo a achicar, quito máis de 50 capazos de auga da sentina.
Chega Miguel cos mecheros. Trae dous do mundial. Un deles pon "Si podemos". ¿Será boa sinal?
Metemos as mechas e prendémoslle lume, metémolas nos inxectores. Intentamos arrancar. Juán Luis dalle á manivela e eu estou ó mando do descompresor. Non arranca.
![](https://blogger.googleusercontent.com/img/b/R29vZ2xl/AVvXsEii7JHF7-K0Yw_qEcbDVQI0sziPOsoQ7aNBg14RcTP0UNJJTvnz3HL8U31seG-XwWKel8ZV9vqH7fNtn35UVUDWge9XPk7j66Qk2xLSK9SBYOx0mB1rzhRiTjDvSWpwtH56y96-bfG_JwTL/s400/Xu%C3%B1o+2010+004.jpg)
Move as válvulas, quitamos as mechas, están apagadas. Volvemos a encendelas e volvemos a intentar arrancar. Segue sen ir.
Tras varias comprobacións e regulacións, segue intentándoo, non da o brazo a torcer. Intentámolo máis dunha ducia de veces e cada vez coa mesma rutina, quitar as mechas, volvelas a prender e metelas de novo, voltas á manivela e liberar o descompresor.
Intentámolo cun bote de autoarranque. Parece que quere ir. Juan Luís nos dí, esto vai a ir.
De repente vemos que chega David que vai no chinchorro para o Tina Husted, abarloa ó noso carón e sube a bordo. Está moi interesado na operación.
Intentámolo dúas veces maís , cambiamos as mechas por unhas máis novas. Juán move a manivela, eu acciono o descompresor , pedímoslle a David que comprobe se sae fume pola cheminea. Dámoslle caña, e David nos dí que sí que sae una pequena bocanada de fume.
Seguimos tentándoo co autoarranque. Juán á manivela e dando as ordes, David observando a cheminea, Miguel metendo unha man polo portillo da casota e disparando o spray autoarranque, e eu no mando do descompresor .
De repente, xa sobre as 14:30 da tarde, nunha destas rutinas, o motor arranca, empeza a sair fume pola cheminea e Juan Luis controla o mando do acelerador para que non se cale. Soa moi ben, SÓA A GLORIA. Él nos día que hai un traqueteo raro, pero o díto, a nós sóanos a gloria.
![](https://blogger.googleusercontent.com/img/b/R29vZ2xl/AVvXsEjoli5yW22RI0BFPZg6KC15ZY0TBgHQzIv4d6SOADj3oewbFplBeaXv7OBtR8zydIsnLnl1snrpSK0jLDkpKyA4T3k5TYmcYxDDNj1P1hDA-DqjYiOsmgi2LO9p4tlpsoMEurLPFLVrQmmY/s400/Xu%C3%B1o+2010+001.jpg)
Doulle a cámara a Miguel para que saque un vídeo, pero está tan emocionado que graba e para a grabación en cuestión de segundos, co que non temos documento de tan importante momento.
Juan Luis nos fai comprobar se sae auga polo costado de babor. Debería sair a auga da refrixeración do motor, pero non sae nada, volve a preguntar de novo, non sae nada. A bomba de auga non funciona, e antes de que se queime o motor opta por apagalo. Foi un escaso minuto, pero a Balbina arrancou e estivo co motor en marcha durante un minuto.
![](https://blogger.googleusercontent.com/img/b/R29vZ2xl/AVvXsEj9uU3ef0tmCcm29llNc9XqMKPgE8j4ln7MVuoUPAMUX8pNf-GP0kDI2x4tlc_zezSoi3v-obdjIgzMqsHl9gfE2_J14J9X5bVbpo94P-B2bFA7qod7y9qBQ3z0lfRTtQzmoz8Cd8AmIMJw/s400/Xu%C3%B1o+2010+002.jpg)
Somos optimistas, o peor xa pasou, o motor, tras moitos anos parado, funciona, ¡¡¡¡funciona!!!!. Agora é cuestión de limpalo, cambiarlle aceite, comprobar os inxectores, regulalo, meterlle gasoleo novo (a todo esto as probas fixémolas co gasóleo que había no tanque dende fai anos, e ainda así arrancou). E a ver se dentro de pouco a Balbina pode facer unha singladura sen ser remolcada.